Cimerelgän binada ğomeren yuğaltqan keşelär sanı artqan

Kiçä İrannıñ Xuzistan vilayätendä cimerelgän 10 qatlı binada ğomeren yuğaltqan keşelär sanı 11 gä citkän.

İrannın  krizis belän idarä itü oyışması başlığı Möxämmäd Xäsän Nami Abadan şähärendä cimerelgän 10 qatlı bina belän bäyle soñğı mäğ’lümat belän urtaqlaştı.

”Faciğada ğomeren yuğaltuçılar sanı 11 gä, yaralanğan keşe sanı 32 gä citte. Yaqındağı binalarda yäşäwçelär cimerelü qurqınıçın küzdä totıp êvakuaśiyälände. Waqıyğa urınında êzläw-qotqaru êşläre däwam itä”,- dide ul.

Xuzistan baş prokurorı Sadık Cafäri Çegeni binanıñ cimerelüe belän bäyle qulğa alınuçılar sanınıñ 10 ga citüen belderde.