Dön’ya külämendä mäcbüri küçerelgän keşelär sanı 100 millionnan artqan

Dön’ya külämendä mäcbüri küçerelgän keşelär sanı berençe tapqır 100 millionnan artqan.

Berläşkän Millätlär Oyışmasınıñ qaçaqlar yuğarı komissariatı köç qullanu, bäreleşlär, keşe xoquqların bozu häm cäber - zolımnan qaçarğa mäcbür buluçılar sanınıñ 100 millionnan artıp kiten xäbär itte.

Bu kürsätkeçkä Ukrainadağı suğışnıñ da yoğıntı yasawı belderelä.

2021 nçe yıl axırına qadär Êfiopiya, Burkina-Faso, M’yanma, Nigeriya, Äfganstan häm Kongoda mäcbüri küçerelgän keşelär sanı 90 milionğa citkän bulğan.

24 nçe fevral’dä Rusiyäneñ Ukrainağa höcümnär başlatuı näticäsendä Ukraina êçendä 8 millionnan artıq keşe küçengän, 6 millionnan artıq keşe ildän kitkän.