Awstriyada berençe maymıl çäçäge virusı oçrağı
35 yäş’lek awırunıñ tän töse üzgärgän häm ciñelçä gripp simptomnarı küzätelä
Awstriya başqalası Venada xastaxanägä salınğan 35 yäş’lek keşedä maymıl çäçäge virusı tabıldı.
Venadağı Sälamätlek saqlaw berämlege süzçese Nina Brenner-Kyung matbuğatqa açıqlaw yasap, kiçä tönlä maymıl çäçäge virusı simptomnarı bulğan ber keşeneñ karantinğa yabıluın, xasta belän êlemtädä bulğannarğa ireşergä tırışuların belderde.
Brenner-Kyung xastada temperatura buluın, tänenä taplar çığuın häm yasalğan test näticäseneñ pozitiv çığuın äytte.
Süzçe citkergänçä 35 yäş’lek awırunıñ tän töse üzgärgän häm ciñelçä gripp simptomnarı küzätelä.
Bötendön’ya sälamätlek saqlaw oyışması xäzergä qadär 80 maymıl çäçäge virusın döres dip belderde, 50 oçraq älegä tikşerelä.
Êndemik virüs säbäpçe bulğan siräk oçrıy torğan xastalıqlardan berse bularaq belenüçe maymıl çäçäge virusı Kongo häm Könbatış Afrika törläre bularaq ikegä bülenä.
Virusnıñ Kongo törendä 10%lık ülem riskı bar, Könbatış Afrika töreneñ här 2 oçraqtan bersendä 1%lık ülem riskınıñ buluı belenä.
Ğomümän xayvannan keşegä häm siräk oçraqta ğına keşedän keşegä yoğuçı virüs temperaturanı kütärä häm tängä taplar çığara.
