İranda totıq krizisı faciğale tögällände

İrannıñ İylam şähärendä êştän quılğan beräw êlekkege xezmättäşlären totıq itep ala. Näticädä 4 keşeneñ ğomere özelä, 5se yaralana.

İylam şähäre poliśiyä idaräse başlığı urınbasarı Färzad Yasemi älege waqıyğa turında Tasnim xäbär agentlığına belderü yasadı.

“Êlek Mustazaflar waqıfında êşlägän häm quılğan beräw irtänge säğat’lärdä waqıf xezmätkärlären totıq itep aldı. Höcümçe utlı qoraldan atıp 3 keşeneñ ğomeren özde, 5sen yaraladı. Älege şäxes soñınnan üz-üzenä qul saldı,”-dip söyläde poliśiyä wäqalätlese. Ul yaralanuçılarnıñ qayberläreneñ xäleneñ awır buluın belderde.

İrannıñ dini liderı Ali Xamaneyğa bäyle Mustazaflar waqıfı küçemsez milek, bankaçılıq, iminiyätläşterü şikelle säwdä häm iq’tisad tarmaqlarındağı êşçänlege belän alğı planğa çığa.