Tähranda hawa kerlelege arttı

İran başqalası Tähranda hawa kerlelegeneñ yuğarı däräcädä buluı arqasında barlıq mäktäplär häm däwlät oyışmaları yalğa çıqtı.

İran mediasına kürä Tährannıñ mêr yärdämçese Abid Meleki şähärdäge hawa kerlelege däräcäse häm kürelgän çaralar belän bäyle açıqlaw yasadı.

“Hawa kerlelege ğadättän tış xäl komitetı cıyıldı. Sişämbe könne hawa kerlelege tağın da artaçaq. Şunıñ öçen yuğarı uqu yortları belän bergä Tährandağı barlıq oyışmalarnıñ yabıluına qarar birelde,” – dide ul.

Tähran gubernatorı, Krizis belän idarä itü ğomüm mödire Yezdi Mexr dä: “Meteorologiya oyışması beldergänçä Tähranda wazğıyät’qızğılt sarı töstä. Tähran xalqın bügen häm irtägä öylärennän çıqmasqa çaqırabız,” – dide.

Dön’yada hawa kerlelege buyınça Tähran berençe 3 şähär arasında.