Burkina-Fasoda şaxtyerlarnı qotqaru öçen tırışalar

Burkina-Fasoda 27 kön śink şaxtasında çığa almıyça qalğan 8 êşçene qotqaru öçen tırışlıqlar däwam itä.  

Cirle matbuğatta çıqqan xäbärlärgä qarağanda, şaxtaçılar bulğan galereyadağı sunı çığaru öçen êlektrlı nasoslar qullanıla başlağan. Anıñ belän soñğı 24 säğat’tä 3 million litrdan artıq sunı suırtqannar.

Êzläw-qotqaru êşçänlege barışında şaxtada su basu, yanğın yäisä cir ubılu şikelle xällärdä qullanu öçen yasalğan sıyınu bülmäse urnaşqan 580 metr tiränlekkä töştelär. Yäşäw bülmäse dip ataluçı sıyınu urınına kislorod birelä. Ägär şaxtaçılar şunda qaçqan bulsa, isän qalu mömkinlekläre yuğarı.

Cirlektä köçle yawım-töşem säbäple 16nçı aprel’dä şaxtadağı galereyanıñ işelüen belderdelär. Anda 8 êşçe çığa almıyça qaldı.

Su basu şaxtadağı êlektr häm xäbärläşü sistemasına da zarar birgängä, şaxtaçılar belän ul waqıttan birle êlemtägä kerä almadılar.