Azovstal'däge barlıq xatın-qız, balalar häm qartlar êvakuaśiyälände
Xäzer Ukraina xökümäte êşxanäne saqlawçılarnı da qamalıştan çığarırğa teli
Rusiyä qamağan Mariupol’ şähärendäge Azovstal’ ob’yektlarında qalğan barlıq xatın-qız, balalar häm qartlarnıñ êvakuaśiyälänüe belderelde. Bu xaqta Ukriana xökümäte räise urınbasarı İrina Vereçuk xäbär itä.
"Däwlät başlığınıñ kürsätmäse ütälde – Azovstal’däge barlıq xatın-qız, balalar häm qartlar çığarıldı. Mariupol’däge gımanitar operaśiyäneñ bu öleşe tögällände,”-dide ul.
Ukraina Azovstal’ êşxanäsen saqlawçılarnı êvakuaśiyäläw öçen yärdäm sorap Çikne tanımawçı tabiblar oyışmasına möräcäğat’ itte. Berlekneñ regiondağı mödire Mişel’-Oliv’ye Laşaretqa xökümät isemennän xat yazıldı. Anda Azovstal’ne qamaw astında saqlawçılarnıñ mediśina yärdämenä ireşä almawı, xälläreneñ naçarayu häm monıñ BMO kileşüenä turı kilmäwe äytelä. Ukraina xökümäte Çikne tanımawçı tabiblarnı Mariupol’ häm Azovstal’däge keşelärneñ êvakuaśiyälänüe häm yaralılarğa mediśina yärdäme kürsätelüe öçen missiyä tözergä çaqırdı.
Bäyläneşle xäbärlär
Blinken çığışı waqıtında protestqa duçar buldı
AQŞ däwlät särqatibeneñ Senattağı çığışın Fälästinne yaqlawçılar 3 tapqır bülde