Qıtayda cimerelgän bina 53 keşeneñ ğomeren özde
29nçı aprel’dä cimerelgän binada ber atna däwam itüçe êzläw-qotqaru êşläre tögällände
1823194
Qıtaynıñ Xunan’ provinśiyäse üzäge Çanşa şähärendä işelgän bina astında qalıp 53 keşeneñ ğomere özelde, 10 keşe isä qotqarıldı.
Cirle idarä beldergänçä, 29nçı aprel’dä cimerelgän binada ber atna däwam itüçe êzläw-qotqaru êşläre tögällände. Anda bulğan barlıq keşelärne tapqannar. Qızğanıçqa, kübese üle kileş çığarıla.
Kiçä tönlä cimereklär astında 132 säğat’ yatqan xatın-qıznı isän kileş tabıp alğannar ide.
Cimerelgän bina yaqınça 8 million keşe yäşi torğan Çanşa şähäreneñ Vançin rayonında 700 kvadrat metrlı mäydanda tözelgän. Anıñ işelüendä ğayeple dip sanaluçı 9 keşe saq astına alındı.