Ukraina höcüm astında

Ukrainanıñ L’vov şähärendä urnaşqan 3 êlektr stanŝiyasenä ut açılğan.

L’vov mêrı Andrey Sadovoy soŝial’ çeltärdä açıqlaw yasap: “3 êlektr stanŝiyasenä raketalı höcüm oyıştırıldı. Şähärne êlektr belän täêmin itü mäs’äläsendä qıyınlıqlar bar. Waqıyğa urınında barlıq törkemnär êşli,” – dide.

Tirä-yaqtağı binalarnıñ da zıyan kürüen beldergän Sadovoy höcümdä 2 keşeneñ yaralanuın citkerde.

Mariupol’da qalğan tınıç xalıqnıñ yaqınnarı başqala Kiyevta oçraşıp, Rusiyäne protest itte.

Rus köçläre tarafınnan Mariupol’däge Azovstal’ sänägät’ qorılmasında qamawda totıluçı ukrainalılar imin koridor barlıqqa kiterelmäw arqasında häm qoral taşlawdan baş tartqannarı öçen haman da êvakuaŝiyalänmäde.

Xalıqara kereşülärneñ näticäsez qaluı Azovstal’da qalğan ukrainalılarnıñ Kiyevdağı yaqınnarın êşkä kereşterde.

Mäydanda cıyılğan keşe törkeme plakatlar kütärep, Rusiyägä qarşı şiğar’lär äytte.