AQŞta möselmannarğa ayırıp qaraw arta

Amerika Quşma Ştatlarında möselmannarğa qarata ayırıp qaraw 9%ka artqan.

İlneñ iñ zur möselman xaqların yaqlawçı ictimağıy oyışma Amerikan İslam mönäsäbätläre şurası möselman cämğıyätennän kilgän şiqayät’lärgä qarap äzerlägän 2021nçe yılğı xisabın açıqladı.

Süz irege, näfrät nigezendäge cinayät’lär, fiziki höcüm häm mäktäplärdä ayırıp qaraw başçaları belän äzerlängän xisapka kürä oyışmağa uzğan yılnı 6720 möräcäğat’ yasalğan, bu - 2020nçe yıl belän çağıştırğanda 9%lık artış digän süz.

Xisaptan kürengänçä tınıçsız itü, vandalizm, mäcbüri räweştä yawlıq saldıru kebek waqıyğalarda 28%lık artış küzätelä.

İslam mönäsäbätläre şurası başlığı Nixad Avad beldergänçä ildä sistemik İslamofobiya cämğıyät’kä yanıy.

“Federal’ xökümät üz säyäsätlärendä möselmannarğa qarata fanatizm häm möselman cämğıyät’läre oçraşqan problemalarğa urın birmäde. İlebezdä härkem imin häm irekle räweştä ğıybadät qılarğa, säyäxät itärgä, mäktäpkä barırğa häm êşli alırğa tiyeş,” – dide ul.

AQŞnıñ 25 ştatında ofisı bulğan ictimağıy oyışma ildä möselman cämğıyätenä ayırıp qaraw häm İslamofobik waqıyğalarnı küzätep, kilgän şiqayät’lärne terkäwçe häm zıyan kürüçelärgä yärdäm kürsätergä tırışuçı oyışma bularaq belenä.