Qarawçısız qalğan 50 meñ keşe ülde

Avstraliyädä oppoziśiyädäge Êşçe partiyäse 2017nçe yılnıñ iyülennän birle öylärendä qaraw xezmäte kötep utıruçı 50 meñnän artıq qart keşeneñ ülüen açıqladı.

“Guardian Avustralya” gazetında urın alğan xäbärgä qarağanda, älege firkaneñ aldınğı aktivistlarınnan berse Mark Batler bu xälne faciğa häm ilneñ yöz qarası dip atadı. Ul öylärendä qaraw xezmäte kötüçelärgä yärdäm itüdä kiçegülärneñ sälamätlek saqlaw sistemasındağı krizisnı kürsätüen alğa sörä.

“Avstraliyälelärneñ kübese üz öyendä qartayırğa teli, tik moña yärdämçe bulırğa tiyeşle sistema krizista,”-di Batler. Ul äle xaman öylärendä qarawçı kötep utıruçı distälägän meñ ölkän yäş’täge keşeneñ barlığın citkerä.  

Koaliśiyä xökümäte öydä qaraw xezmätendäge kiçegülärne beterü öçen tözegän Milli östenlek sisteması mäğ’lümatlarına qarağanda, kötep toru isemlegendä ütä torğan waqıt, soñğı yıllardağı uñay üzgäreşlärgä qaramastan, äle xaman ozaq.