Mariupol’ awır xӓldӓ
Rusiya üz ğaskӓrlӓreneň bu port şӓhӓren tulısınça diyӓrlek yawlap aluın alğa sörde
1815777
Mariupol’ şӓhӓre berniçӓ atna qamalıştan soň awır xӓldӓ.
Rusiya üz ğaskӓrlӓreneň bu port şӓhӓren tulısınça diyӓrlek yawlap aluın alğa sörde.
Lӓkin Ukraina saqlanu ministrı bu dӓğ’wanı kire qaqtı.
Şulay da xӓlneň “bik awır” buluın tanıdı.
“Döresen genӓ ӓytkӓndӓ xӓllӓr yaxşı tügel. Hawa höcümnӓrennӓn soň minem psixik sӓlamӓtlegem naçarlandı. Min bik qurqam. Oçqıç tawışı işetügӓ qaçam” di Mariupol’dӓ yӓşӓwçe xanım.
Donbass töbӓgeneň töp port şӓhӓre Mariupol’ne yawlap alu Rusiya öçen zur strategik qazanış bulaçaq.
Bu töbӓk 2014 nçe yılda Mӓskӓw annekśiyӓlӓgӓn Qırımğa cir östennӓn totaşaçaq.