Ukraina häm Rusiyä äsirlär belän almaştı
Ukrainalı 12 xärbi häm 14 watandaşnıñ öyenä qaytuın citkerde.
Ukrainanıñ prem’yer-ministr yärdämçese İrina Vereçuk Telegramda açıqlaw yasap, ilbaşı Vladimir Zelenskiynıñ boyırığı belän kiçä öçençe tapqır äsirlär belän almaşuların belderde.
Bu qısada 26 ukrainalınıñ irekkä cibärelüen açıqlağan Vereçuk 12 xärbi häm 14 watandaşnıñ öyenä qaytuın citkerde.
Vereçuk beldergänçä Melitopol’ şähärendä yawlawçı Rusiyä armiyase tarafınnan 529 yulçısı belän qulğa töşerelgän êvakuaŝiya avtobusları irekkä cibärelde.
Prem’yer-ministr yärdämçese Zaporoj’ye töbägendäge Berdyansk, Tokmak häm Ênergodar şähärlärendä qararlaştırılğan yullarda êvakuaŝiya êşçänlekläre öçen röxsät ala almawların xäterlätte.
Vereçuk soñğı 24 sägät’ êçendä gumanitar koridorlar aşa Mariupol’ häm Berdyansktan Zaporoj’yeğa üz maşinaları häm êvakuaŝiya avtobuslarında 3425 keşeneñ barıp citüen häm Lugansk töbägendäge Lisiçansk, Severodoneŝk, Rubejnoye, Kremennaya häm Popasnaya şähärlärennän 578 keşeneñ çığarıluın citkerde.
