Pentagon: "Rusiyä köçlären könbatışqa taba şudırdı"

AQŞ saqlanu ministrlığı Pentagonnıñ yuğarı däräcäle ber wäqalätlese qayber rus köçläreneñ Ukrainanıñ könçığışına höcüm itü öçen Rusiyäneñ könbatışındağı şähärlärgä küçerelüen kürülären citkerde.

Ber törkem jurnalistlarğa Rusiyä belän Ukraina suğışı turında mäğ’lümat birgän wäqalätle Kiyev tiräsennän çigengän rus köçläreneñ Belarus’tağı lager’larına kitüen äytte. Ul rus suğışçılarınıñ ber öleşeneñ Rusiyäneñ könbatış çiklärendäge Belgorod häm Valuyki şähärlärenä taba şudırıluın citkerde.

Pentagon wäqalätlese Rusiyäneñ 44 könlek suğışta Ukrainağa 1500 tiräse raketa atuın, bäreleşlärneñ kön’yaqta arta başlawın söyläde. Anıñ äytüençä, Rusiyä suğış öçen äzerlägän xärbi köçeneñ 85%ın saqlıy, 15%ın yuğalttı.  

AQŞ wäqalätlese Mariupol’ şähärendä bäreleşlärneñ däwam itüen, Rusiyä armiyäseneñ äle haman bu qalanı qulğa töşerergä tırışuın citkerde.