Şri-Lankağa qıtlıq yanıy

Şri-Lankada iqtisadi krizisnıñ tiränäyüe arqasında 22 millionlık xalıq sanı qıtlıq qurqınıçı belän oçraşa ala.

“The Guardian” gazetı beldergänçä Parlament başlığı Maxinda Yapa Abeyvardana parlamenttağı ber utırışta ildäge iqtisadi problemalar belän bäyle açıqlaw yasadı.

Abeyvardana Şri-Lankada iqtisadi krizisnıñ başlanuın häm 22 millionlık xalıq sanınıñ qıtlıq qurınıçı belän oçraşa alaçağın citkerep: “Azıq-tölek, gaz häm êlektr probleması tağın da naçarayaçaq. Xätär azıq-tölek qıtlığı häm açlıq bulaçaq,” – dide.

Şri-Lankanıñ Cir öste yulları ministrı Djonston Fernand isä parlamentta çığış yasap, ilbaşı Gotabaya Radjapaksa turında bolay dide: “Wazıyfasınnan kitmäyäçäk. Monı qabul itäçäkbez, moña köçebez bar. Qurıqmıybız.”