Kuleba: "Buça - aysbergnıñ kürengän öleşe genä"

Ukraina tışqı êşlär ministrı Dmitro Kuleba başqala Kiyev yanındağı Rusiyä xärbi köçlärennän qotqarılğan Buçadağı dähşätneñ aysbergnıñ oçı ğına buluın, Mariupol’däge wäzğıyät’neñ isä tağın da naçar ikänen belderde.

Ul Angliyä tışqı êşlär ministrı Liz Trass belän Pol’şa başqalası Varşavada oçraşqannan soñ urtaq matbuğat cıyılışında Ukrainadağı waqıyğalar turında söyläde.

Dmitro Kuleba ileneñ başqala Kiyevnı alsa da, suğışnıñ äle haman däwam itüen, Ukrainanıñ könçığışında yaña häm külämle höcümgä äzerlek baruın belderde. Ul Rusiyäneñ Doneśki häm Luganskida tağın da kübräk cirlekne qulğa töşerergä mataşaçağın söyläde.

“Qanawçı Mariupol’ne alırğa tırışaçaqlar. Buçada kürengän dähşät Rusiyä armiyäseneñ bügengä qadär Ukraina cirlärendä êşlägän barlıq cinayät’läreneñ “aysbergnıñ öske yağı” şikelle kürengän öleşe genä häm sezgä arttırmıyça ärnep äytäm: Mariupol’däge xäl, Buçada häm Kiyev tiräsendäge başqa şähär, bistä häm awıllarda kürgännärebez belän çağıştırğanda, tağın da naçar. Buça, Mariupol’ häm başqa cirleklärdäge räximsezlekkä qarşı citdi G7 häm Awrupa Berlege sankśiyäläre kiräk”- dip söyläde Dmitro Kuleba