"Türkiye belän êvakuaŝiyane söyläşäbez"

Ukraina ilbaşı Volodimir Zelenskiy Mariupol’dan tınıç xalıq häm xärbilärne êvakuaŝiyaläw mäs’äläsendä aradaşçı buluı öçen Türkiye belän küreşülären belderde.

Zelenskiy video yullama urtaqlaşıp, bügen gumanitar yärdäm koridorlarınıñ Doneŝk, Lugansk häm Zaporoj’ye töbäklärendä açıluın äytte.

Şul räweşle Mariupol’ belän ber rättän bu töbäklärdä urnaşqan şähärlärdän barlığı 6266 watandaşnı çığaruların citkergän Ukraina däwlät başlığı kritik wazğıyät’tä bulğan Mariupol’dan yaralanuçılar häm ülüçelärne çığaru öçen ayırım söyläşü ütkärülären açıqladı.

Rusiyädä xärbi xezmätkä mäcbüri räweştä çaqırılğan yegetlärneñ ğailälären dä kisätkän Zelenskiy tübändägeçä däwam itte: “Bu tradiŝion kebek kürenüçe läkin normal’dän ayırmalı çaqıru bulıp tora. Bıyıl xärbi xezmätkä alınuçılarnı bezgä qarşı suğışırğa cibärä alaçaqlar. Şunıñ öçen bu küp kenä yäş’ yeget öçen garantiyale ülem dimäk.”

Vladimir Zelenskiy Ukrainadağı möselmannarnı Ramazan ayı belän täbrik itep: “Bu ay - êçkersez doğalar, yarlıqaw häm xäyriyä ayı,” – dide.