“Bez 21 nçe ğasırda ğadellek urnaştırırğa tırışabız, läkin 31 kön däwamında moña ireşä almadıq"
Bu xaqta Ukraina däwlät başlığı Vladimir Zelenskiy belderde
Ukraina däwlät başlığı Vladimir Zelenskiy Doxa forumına turıdan - turı totaşıp çığış yasadı.
Ul konferenśiyädä qatnaşuçılarğa möräcäğät’ itep tübändägelärne citkerde:
“Bez 21 nçe ğasırda ğadellek urnaştırırğa tırışabız, läkin 31 kön däwamında moña ireşä almadıq. İlebezne yaqlawnı däwam itäbez. Xalqıbız belän bergä tınıçlıq urnaştırırğa tırışabız.
Katar tabiği gaz häm neft’ citeşterüne arttırırğa, kiräkle taläpne qanäğät’länderergä häm Rusiyägä ênergiyäneñ qoral tügellegen kürsätergä tiyeş.
Rusiya atom - töş qoralı qullanu belän yanıy. Ägär şulay êşläsä, ul ber ilgä genä tügel, ä böten keşelekkä qarata bulaçaq.
Ukrainada 1 millionnan artıq möselman yäşi. Daimi räweştä tınıç xalıq maqsat itep alına. Olı yäş’tägelär, xatın - qızlar, balalar sıyınu urınnarında yäşi. Rusiya gumanitar yärdämnärneñ şähärlärgä barıp citüenä dä mömkinlek birmi.
Rusiya çirkäwlärgä genä tügel, mäçetlärgä dä höcüm itä. Kreml’neñ säyäsäte möselmannarğa qarşı.
Rusiya Ukrainanıñ portların häm awıl xucalığı asqormasın da bombalıy, bu dönya azıq-tölek qurqınıçsızlığına yanıy.
Ukraina dön’yada azıq-tölek êksportlawçı iñ zur illärneñ berse. Dön’yada azıq-tölek qurqınıçsızlığın berkem dä garantiyäli almıy. Rusiya barlıq portlarnı, awıl xucalığı öçen kiräkle barlıq asqormanı bombağa tota”.
