Äfğanstanda mäktäplär açıldı
Tik qızlarnıñ barısı da mäktäpkä bara almıy
Äfğanstanda aylar uzğannan soñ ir balalar öçen barlıq mäktäplär häm qız balalar öçen başlanğıç sıynıflar açıldı. Taliban waqıtlıça xökümäteneñ mäğarif ministrlığı bügen belem birü başlanuın belderde. Qız balalar öçen urta häm yuğarı sıynıflar älegä açılmadı.
Beldrüdä äytelgänçä, urta häm yuğarı sıynıflarnıñ mäktäp forması şäriğat’, äfğan tradiśiyäläre häm mädäniyätenä yaraqlı itep tegeläçäk. Alar äzer bulğannan soñ qız balalarnıñ barısı uqıy başlayaçaq.
Äfğanstanda 13 yäş’tän 18 yäş’kä qadärgelär belem ala torğan urta häm yuğarı sıynıflarda, başlıça, qız häm ir balalar ayırım uqıy.
İldä koronavirus kizüe säbäple belem alu tuqtatılıp tora ide. Xakimiyätkä Taliban kilgännän soñ mäktäplär berençe êtapta yabıldı.
Äfğanstanda 16 meñnän artıq mäktäptä yaqınça 9 million bala belem ala. Alarnıñ 40% tiräse qızlar.
Däwlät universitetları, qız häm ir-at studentlar ayırım sıynıf häm waqıtta belem alu şartı belän, fevral’dä açılğan ide.
