AQŞ Pol'şağa 2 Patriot cibärä
Bu raketa saqlanu sistemalarınıñ höcüm itü maqsatı bulmawı belderelä
1792210
AQŞnıñ Awrupa komandalığı Pol’şağa saqlanu maqsatınnan 2 danä Patriot batareyası biräçägen belderde. General Tod Uolters alarnı cibärü kürsätmäse çığardı inde.
Älege batareyalarnıñ tulısınça saqlanu maqsatınnan quyılaçağı belderelä. Raketalarnıñ bernindi höcüm maqsatı bulmawı assızıqlana.
AQŞ häm Pol’şa arasında monnan alda “Ukrainağa oçqıç cibärü” mäs’äläsendä qayber poziśiyä ayırmaları barlığı açıqlandı. Pol’şa älege oçqıçlarnıñ Ukrainağa turıdan-turı cibärelmäyäçägen, AQŞnıñ Germaniyädäge xärbi bazasına tapşırılaçağın citkerde.
Pentagon isä oçqıçlarnıñ turı AQŞ qulınnan Ukrainağa birelü ixtimalın bik mömkin bulmağan xäl bularaq tasvirladı.
