Meksikada ber batal'yonğa citärlek qoral qulğa töşerelde
Anı Meksika armiyäse ber şähärdäge basqında taba
1789841
Meksika armiyäse ilneñ tön’yağındağı Sonora töbägendä oyıştırılğan basqınnarda yaqınça 2 million yädrä häm 19 tulı avtomat mıltıqnı da kertep küp sanda suğış kiräk-yaraqları qulğa töşerde.
Saqlanu ministrlığınnan belderülärençä, Navojoa şähärendä qayber öylärdä tentü uzdırıla. Qulğa töşerelgän qorallar arasında törle kalibrdağı 128 vintovka, 6 danä 50 kalibrlı snayper mıltığı da bar. Monıñ Meksikada bu yıllarda konfiskaśiyälängän iñ zur miq’darda suğış kiräk-yaraqları buluı häm ber xärbi batal’onğa citüe belderelde.
Amerika Quşma Ştatları çigennän berniçä yöz metr ğına yıraqlıqta urnaşqan Sonora töbägendä yış qına narkobandalarnıñ xakimiyät öçen bäreleşeläre bula.