Kanar utrawlarına qaçaqlar ağıla
Utrawğa Afrikadan kilüçe tärtipsez migrantlarnıñ sanı 116%qa arttı
Tön’yaq Afrikadan İspaniyäneñ kön’yaq-könbatışındağı danlıqlı Kanar utrawlarına tärtipsez migraśiyä 2022nçe yılnıñ täwge ay yarımında, uzğan yılnıñ şul uq çorı belän çağıştırğanda, 116%qa arttı.
Êçke êşlär ministrlığı mäğ’lümatlarına qarağanda, soñğı yıllarda diñgez yulı belän kilüçe möhacirlärneñ iñ küp qullanılğan marşrutı 2022nçe yılda da buş tormıy. 1nçe ğıynvardan 15nçe fevral’gä qadär Kön’yaq Afrika yarlarınnan rezin köymä, qayaq, kanoê qullanıp Kanar utrawlarına 4 meñ 753 qaçaq kilep citkän. Uzğan yılnıñ şuşı uq çorında bu san 2 meñ 556 bula.
Kanar utrawları barı fevral’neñ berençe 15 könendä 30 köymä belän 1559 qaçaq kilgän.
Ministrlıq citkergänçä, ğomumän İspaniyägä ayaq basqan tärtipsez migrantlarnıñ sanı 6 meñ 243. Bu kürsätkeç tä uzğan yılğıdan şaqtıy zur – 76%lıq artu kürenä.
