Kongoda küpme bala-suğışçı bar?

Kongo Demokratik Cömhüriyӓtendӓ ğıys’yançılar törkemnӓre bala suğışçılarnı qullana.

İldӓ tapşırıluçı Berläşkän Millӓtlär Oyışması Okapi radiosı beldergӓnçӓ ilneñ könçığışında iminlek köçlӓre hӓm ğıys’yançılar arasında dӓwam itüçe bӓreleşlӓrdӓ uzğan yılnı 470tӓn artıq bala qullanıldı.

Xӓbӓrdӓ uzğan yılnı 12ese qız bala bulğan barlığı 50 balanıñ bӓreleşlӓrdӓ yaqtı dön’yadan kitüe, 169 balanıñ isӓ censi yaqtan tınıçsız itelüe belderelde.

Xalıq sanınıñ yaqınça 63%ı 24 yӓşe tulmağan yӓş’lӓrdӓn torğan ildӓ bala-suğışçı hӓm bala-êşçe mӓs’ӓlӓse yış qına kön tӓrtibendӓ.

Kongonıñ könçığışında 20 yıl buyı altın hӓm kobal’t şaxtaları kontrolen urnaştırırğa tırışuçı qorallı törkemnӓrneñ höcümnӓre hӓm bӓreleşlӓr küzӓtelӓ.