AQŞ diñgezgä töşep batqan oçqıçın çığarırğa mataşa
Anıñ Qıtay qulına êlgüennän qurqalar
AQŞnıñ milli flotına qarawçı “Karl Vinson” korabına utırırğa mataşqanda diñgezgä töşep kitkän F-35C xärbi oçqıçın sudan çığaru öçen tırışalar.
Waqıyğanıñ qayda buluı turında belderelmi, ämma Yaponiyä yar buyı iminlege komandalığı Filipinnardan könbatışqa taba 185 diñgez mile häm Qıtaynıñ hawa bazası urnaşqan Vudi utrawınnan könbatışqa taba 350 mil’ yıraqlıqta cimerekleklärne êzläw êşçänlege baru turında kisätü yasadı. Bu isä oçqıçnı diñgezdän çığaru operaśiyäseneñ şunda baruı turındağı uylarğa êtärä.
Pentagon süzçese Djon Kirbi oçqıçnı çığaru öçen kiräkle çaralarnıñ kürelüen citkerde.
Oçqıç inde 24nçe ğıynvarda uk hälakätkä oçradı. Oçuçı soñğı mizgeldä katapul’ta yasap isän qaldı. Tik köymä êkipajındağı 7 keşe yaralandı.
Oçqıç qaldıqların Qıtay üz qulına töşermäsen öçen töbäktä kiñ külämle saq çaraları kürelde.
