Tön’yaq Koreya qabat raketa sınap qarağan

Kön’yaq Koreya Tön’yaq Koreyanıñ ballistik ixtimalı zur bulğan ike raketa sınawın ütkärüen belderde

1769229
Tön’yaq Koreya qabat raketa sınap qarağan

Kön’yaq Koreya ğomum ştab räislege yasağan belderüendä raketalarnıñ Tön’yaq Koreyanıñ könçığışındağı Hamhung töbägennän Yapon diñgezenä taba cirle waqıt belän säğät 08:00dä oçırtıluın citkerde.

Belderüdä: "20 kilometr biyeklektä 190 çaqrım uzğan qısqa radiuslı raketalarnıñ ballistik bulu ixtimalınıñ” zur buluı äytelde.

Yaponiya xökümäte raketalarnıñ Yapon diñgezenä milli maxsus iq’tisad töbägennän çitkä kilep töşüen belderde.

Sınap qarawnı "bik qızğanıç" dip bäyäläwçe Yaponiya Baş ministrı Kişida Fumio Tön’yaq Koreyanıñ xärbi êşçänlegen küzätergä däwam itäçäklären äytte.

Milli iminlekkä yanawnıñ xis itelmäwen iskärtep uzuçı Kişida sınaw belän bäyle protest notalarınıñ Pyongyang citäkçelegenä citkerelüen belderde.

“Kyodo” agentlığı soñğı sınawlar belän bergä Tön’yaq Koreyanıñ 2022nçe yıl başınnan birle 6nçı tapqır raketa cibärüen xäbär itte.



Bäyläneşle xäbärlär