Omikron tiredä 21 säğat' yäşi

Kovid-19nıñ Qıtaydağı Uxan’ şähärennän çıqqan täwge ürnäge belän variantlarınıñ arasındağı ayırmalarnı tikşerdelär

1769003
Omikron tiredä 21 säğat' yäşi

Koronavirusnıñ Omikron variantınıñ keşe tiresendä 21 säğat’kä çaqlı, plastik ösleklärdä isä 8 köngä qadär isän toruı açıqlandı. Yaponiyäneñ Kyoto mediśina universitetı belgeçläre Kovid-19nıñ Qıtaydağı Uxan’ şähärennän çıqqan täwge ürnäge belän variantlarınıñ arasındağı ayırmalarnı tikşerde.

Täcribälärdän kürengänçä, virusnıñ Al’fa, Beta, Del’ta häm Omikron variantları plastik ösleklärdä häm tändä, Uxan’ törenä qarağanda, 2 tapqır ozağraq yäşi ala.

Uxan’ töreneñ plastik ösleklärdä urtaça yäşäw waqıtı - 56 säğat’, Al’fa variantınıqı - 191 säğat’tän artıq, Betanıqı - 156 säğat’ tiräse, Del’tanıqı - 114 säğat’ häm Omikronnıqı 193 säğat’ yarım.

Keşe tänendä koronavirusnıñ originalı 8 säğat’ yarım, Al’fa variantı - 19 säğat’ yarım, Beta - 19 säğat’tän artıq, Del’ta - 17 säğat’kä yaqın häm Omikron 21 säğat’ tiräse isän kileş tora.

Tikşerenüçelär barlıq variantlarnıñ da 35 prośentlı spirtlı êremädä 15 sekundta täêsirsez xälgä kilüen, şuña kürä qullarnıñ çistalığı öçen dezinfekśiyä çaraların qullanu kiräklegen assızıqlıy.



Bäyläneşle xäbärlär