Çexiya Ukrainağa tup yädrälären cibärä
Çexiya teläktäşlek qısalarında Ukrainağa 4 meñ 6 tup yädräsen cibäräçäk
Çexiya saqlanu ministrlığınnan yasalğan belderüdä ilneñ Ukrainağa "büläk itep" 4 meñ 6 danä 152 millimetrlı tup yädräsen cibäräçäge äytelde.
Saqlanu ministrı Yana Çernoxova Ministrlar şurası cıyılışınnan soñ jurnalistlarğa yasağan belderüendä: "Ukraina belän xezmättäşlegebez ozaq möddätle häm demokratiya yulında yaqlawıbıznı däwam itteräbez. Säyäsi häm diplomatik yullarğa östämä bularaq şuşı xärbi kiräk-yaraqlarınıñ büläk itelüe belän isbatlanğanı kebek anıq häm tögäl yärdäm tä täêmin itäbez. Monıñ möhim teläktäşlek işaräse buluın uylıym”, - dip äytte.
Xökümät süzçese Yakub Faynor isä Kiev xökümäteneñ yärdäm sorawın iskärtep uzıp: "Büläkneñ maqsatı - Rusiyäneñ Ukraina çige buyında zur xärbi köç cıyuınnan soñ Ukrainanıñ saqlanuın köçäytügä yärdäm itü”, - dip belderde.
