NATO Rusiyägä bu atnada cawap biräçäk

NATO Ğomum särkätibe Yens Stoltenberg Rusiyäneñ uzğan ayda NATOğa yasağan kileşü täq’dimenä şuşı atnada yazma räweştä cawap biräçäklären äytte.

CNN televideniyäsenä äñgämä birüçe Stoltenberg Rusiyä İlbaşı idaräseneñ üz täq’dimnärenä cawap kötüläre turındağı açıqlawınnan soñ NATOnıñ yazmaça cawap täq’dimnären bu atnada cibäräçäklären belderde.

Stoltenberg: "Monı Amerika Quşma Ştatları belän parallel’ räweştä yasıybız, çönki AQŞ berniçä atna êlek kileşü täq’dimen alğan ide. Näq’ şulay uq bez dä oxşaş ölgene alğan idek. Töp yünäleşläre belän utırıp söyläşergä äzer buluıbıznı äytäçäkbez”, - dip äytte.

Stoltenberg NATOnıñ qorallarnıñ kontrole, qoralsızlanu, xärbi êşçänlektä açıqlıq, risklarnı kimetü mexanizmı häm Awrupanıñ iminlege belän bäyle başqa mäs’älälärne söyläşergä äzer buluların belderde.

"Bez Rusiyäneñ borçıluların tıñlarğa äzer”, - dip äytüçe Stoltenberg Ukraina-Rusiyä krizisına çişeleş öçen "äle haman diplomatik yul buluına” basım yasadı.

Stoltenberg monıñ öçen Rusiyäneñ kiyerenkelekne beterüe häm NATO belän yaxşı niyät êçendä söyläşügä äzer buluı zarurlığın iskärtep uzdı.

Stoltenberg: "NATO Ukrainağa xärbi köçlären urnaştırmayaçaq. Läkin bez äzer buluıbızğa häm bigräk tä ittifaqnıñ könçığışındağı böten berlektäşlärebezne saqlaw burıçıbızğa qağılışlı añlaşılmawçanlıq bulmawına ışanırğa tiyeş”, - dip belderde.