Soğud Ğaräbstanı häm Berläşkän Ğaräp Ämirlekläre xusilärneñ höcümnäre astında

Yämändäge xusilär Soğud Ğaräbstanı häm Berläşkän Ğaräp Ämirleklären ballistik raketalar belän yañadan nişan itep aldı

1767975
Soğud Ğaräbstanı häm Berläşkän Ğaräp Ämirlekläre xusilärneñ höcümnäre astında

Amerika Quşma Ştatları häm Berläşkän Millätlär Oyışmasınıñ Yämän krizisına säyäsi çişeleş barışın yañadan başlatu kereşüläre alıp barılğan şuşı könnärdä êçke frontlarda yuğaltular birgän xusilär xökümät köçlären yaqlawçı Soğud Ğaräbstanına häm Berläşkän Ğaräp Ämirleklärenä qarşı höcümnären arttırdı.

Ğaräp Ligası xusilärneñ 17nçe ğıynwardä Berläşkän Ğaräp Ämirlekläre başqalası Abu Dabigä oyıştırğan höcümnärne söyläşü öçen Berläşkän Ğaräp Ämirlekläreneñ sorawı nigezendä düşämbe könne Misır başqalası Qahirädä daimi wäkillär däräcäsendä çirattan tış cıyıldı.

Ğaräp Ligası cıyılışınıñ yomğaqlaw beldergesendä xusilärneñ tınıç xalıqqa häm grajdan urınnarğa qarşı höcümnäre gäyeplände.

Xusilärneñ şuşı höcümnäreneñ xalıqara xoquqnı häm xalıqara gumanitar xoquqnı açıqtan-açıq bozuına basım yasalğan beldergedä: "Böten illärgä xusi suğışçıların terror oyışması itep iğ’lan itü” çaqıruı yasaldı.

Xusilärneñ Berläşkän Ğaräp Ämirleklärenä höcümnäreneñ artuı belän bergä ğaräp koaliśiyasına bäyle xärbi oçqıçlar da başqala Sana belän ber rättän xusilärneñ kontrolendäge töbäklärdä bombalawnı köçäytte.

Berläşkän Ğaräp Ämirlekläre saqlanu ministrlığınnan bügen yasalğan belderüdä xusilärneñ başqala Abu Dabigä cibärgän ike ballistik raketanıñ hawa saqlanu sisteması tarafınnan täêsirsez xälgä kiterelüe citkerelde.

Saqlanu ministrlığı Yämänneñ Cävf şähärendä urnaşqan häm Abu Dabigä ballistik raketalarnı oçırtqan caylanmanıñ “F-16” xärbi oçqıçı belän bombalanuın belderde.

Soğud Ğaräbstanı grajdan saqlanu süzçese Möxämmäd äl-Hamadi da kön’yaqtağı Cazan töbägenä yasalğan höcüm näticäsendä 2 keşeneñ yaralanuın xäbär itte.

Ğaräp koaliśiya köçläre isä xusilärneñ Soğud Ğaräbstanınıñ Zahran häm Asir şähärlären tämek itep aluı häm şuşı töbäkkä cibärelgän ballistik raketalarnıñ yuq itelüen açıqladı.

Xusilärneñ xärbi süzçese Yahya Säri yasağan belderüendä: "Raketa häm keşesez hawa apparatları belän Soğud Ğaräbstanı häm Berläşkän Ğaräp Ämirlekläre cirlären nişan itep alğan kiñ qolaçlı xärbi operaśiya oyıştıruların” alğa sörde.

"AQŞ köçläre êçendä bulğan Berläşkän Ğaräp Ämirleklärendäge Äz-Zafra hawa bazasın häm qayber sizger noqtalarnı küp sanda ballistik raketa häm keşesez hawa apparatları belän tämek itep aldıq," – dip äytüçe Säri Soğud Ğaräbstanınıñ kön’yağındağı Şarura töbägenä häm törle urınnarğa da ballistik raketa häm keşesez hawa apparatları belän höcüm oyıştıruların rasladı.



Bäyläneşle xäbärlär