Angliya Rusiyäneñ Kiyevtä üzenä tuğrı lider teläwen alğa sörde
Rusiya Londonnıñ däğ’waların kire qaqtı, bu dezinformaśiya dide
Rusiya Ukrainanı basıp alaçaq digän qurqu arta barğanda,Angliya Rusiyäne Kiyevkä üzenä tuğrı lider kiterergä tırışuda ğayepläde.
Monıñ öçen êlekkege Ukraina xalıq ışanıçlısı Yevgeniy Murayev namzät itep sanala.
Yevgeniy Murayev Ukrainanıñ Könbatış belän integraśiyäsenä qarşı häm ütkännärdä Ukraina ilbaşı Zelenskiynıñ Könbatış tarafınnan kontrol’ itelüenä qağılışlı däğ’walar beldergän Rusiya yaqlı säyäsätçe.
Angliya tışqı êşlär ministrlığı Rusiya küzläw oyışmalarınıñ küp sanda êlekkege Ukraina säyäsätçeläre belän êlemtädä toruları turında mäğ’lümatqa iyä buluların belderde.
Bu säyäsätçelär arasında Sergiy Arbuzov, Andrey Kluyev,Vladimir Sivkoviç häm Mikola Azarov ta bar.
Angliya kiyerenkelekne kimetü öçen Rusiyäne agressiv totış häm dezinformaśiyäne tuqtatırğa, diplomatiyäne saylarğa öndäde.
Fäqät’ ul bu ğayepläwlären raslawçı bernindi dälil dä kitermäde.
Rusiya Londonnıñ däğ’waların kire qaqtı, bu dezinformaśiya dide.
Rusiya belän Ukraina arasındağı kiyerenkelek tarixtağı iñ yuğarı däräcägä citte.
Rusiya Ukraina belän çiklärenä distälägän meñ ğaskär häm xärbi texnika urnaştırdı.
Şaqtıy il Rusiyäneñ Ukrainağa höcüm planı bar dip borçıla.
Mäskäw Ukrainanı basıp alu planı bulmawın, läkin anıñ taläpläre ütälmäsä, xärbi xäräkät başqara alaçağın belderä.
Bäyläneşle xäbärlär
Ğazzädä 270 meñ tonna qatı qaldıq cıyılıp yata
BMO älege wäzğıyät'neñ keşelärneñ sälamätlege häm êkologiyägä yanawın citkerä