Peruda 80 port yabılğan

Awstraliyaneñ könçığışındağı utraw ile Tongada 15nçe ğıynwar könne barlıqqa kilgӓn vulkan şartlawınnan soñ Peru yarlarında dulqın biyekleklӓreneñ kütӓrelüe arqasında 80 port yabıldı.

Peru matbuğatına çıqqan xӓbӓrgӓ kürӓ barlıqqa kilgӓn śunami nӓticӓsendӓ yar buyı töbӓklӓrendӓ anormal’ dulqınnarnıñ küzӓtelüen beldergӓn rӓsmi zatlar çaralarnıñ kürelüen açıqladı.

Perunıñ Grajdan saqlanu institutı zur dulqınnarnıñ dӓwam itüen belderep, ilneñ tön’yaq, kön’yaq hӓm urta töbӓgendӓ urnaşqan 80 portnıñ waqıtlıça yabıluın citkerde.

Rӓsmi zatlar diñgez buyında yӓşӓwçe xalıqnı yar buyınnan yıraq torırğa çaqırdı, balıqçılıq, sport hӓm küñel açu çaralarınıñ ğamӓldӓn çığarıluın xӓterlӓtte.

Tongadağı yanartaw şartlawınnan soñ Amerika Quşma Ştatları, Kanada hӓm Çili öçen śunami kisӓtüe yasalğan ide.

Rӓsmi zatlar 16nçı ğıynwar könne ilneñ tön’yağındağı ber plyajda 2 keşeneñ zur dulqınnar arqasında yaqtı dön’yadan kitüen citkergӓn ide.