Yaponiya Tön’yaq Koreyanıñ raketa sınawın citkerde

Yaponiya Tön’yaq Koreyanıñ bügen irtä belän ike ballistik raketa sınap qarawın belderde

1763725
Yaponiya Tön’yaq Koreyanıñ raketa sınawın citkerde

Yaponiya saqlanu ministrı Kişi Nobuo Tön’yaq Koreyanıñ cirle waqıt belän säğät 08:49 belän 08:52dä ike ayırım ballistik raketa oçırtuın açıqladı.

Ministr Kişi maksimal’ 50 kilometr biyeklektä 300 çaqrım uzuı farazlanğan raketalarnıñ diñgezgä kilep töşüen belderde.

Kişi: "Tön’yaq Koreyanıñ raketa texnologiyasın qamilläşterergä tırışuı mäğ’lüm. Soñğı waqıttağı bertörkem sınawlar xalıqara cämäğätçelek öçen citdi problema bulıp tora”, - dip äytte.

Yaponiya kabinetı baş särkätibe Matsuno Hirokazu sınawlar belän bäyle bularaq älegä zıyannıñ bilgelänmäwen belderde.

Tokio xökümäte räsmi reakśiyasın Yaponiyanıñ Pekin ilçelege aradaşçılığı belän Pyongyangğa citkerde.

Raketalarnıñ zur ixtimal belän Yaponiyanıñ milli maxsus iq’tisadi töbägennän çittä kilep töşüe iskärtelep uzıldı.

Kön’yaq Koreya ğomum ştab räislege qısqa radiuslı ballistik raketalarnıñ başqala Pyongyang çitendäge Sunan hawa mäydanınnan cibärelüen belderde.

Oçırtılğan soñğı raketalar belän Tön’yaq Koreya yıl başınnan birle 4nçe raketa sınawın yasadı.



Bäyläneşle xäbärlär