Töreklär Berlin uramnarında yäşäwçelärne aşata

Törek volontyerları Germaniyäneñ başqalası Berlin uramnarında yäşäwçelärgä här şimbä könne qaynar rizıq tarata. Alar xatın-qızlar häm balalar öçen sıyınu yortında toruçılarğa da yärdäm itä.

İnde 4nçe atna şimbä könnärendä daimi räweştä yort-cirsezlärgä aş, ikençe rizıq häm täm-tom täq’dim itälär.

Berlindağı Törek şähitlär mäçete räise Yakup Ayar uramda yäşäwçelär häm başqa moxtaclarğa yärdäm itärgä teläwçelärneñ üzlärenä möräcäğat’ itä aluın belderde. Ul bu êşne başqaruçı üzixtıyarıylarğa räxmät äytte.

“Bezneñ küçmä tüläwsez aşxanäbez Berlinnıñ törle uram häm parklarında yäşäwçe öysezlärne, tağın ber törkemebez xatın-qız häm balalar sıyınu yortlarında toruçılarnı qaynar rizıq häm täm-tom belän sıylıy,”-di Yakup Ayar. Ul Möxämmät päyğambärneñ “Kürşese aç bulğanda, tuq yatuçı bezdän tügel” digän süzlären xäterlätä.  

Bu süzlär İslam dineneñ sośial’ yağın kürsätä. İzge dinebez fäqıyr’gä, yätimgä, qartlarğa, qısqaça äytkändä, yärdämgä moxtac här keşegä qul suzarğa quşa. Bez dä, din, tel häm ıruğına qarap tormıyça, gumanitar xislärebezne alğı planğa çığarıp keşelek misiyäbezne cirenä citkeräbez. Sıylarıbız belän alarnı yılmaytuıbıznı kürü bezne dä bäxetle itä,”-dip söyläde Yakup Ayar.