Tonga däwlätenä närsä buldı?
Kiçäge śunamidan soñ älege utraw-däwlät belän êlemtä yuq
Yaña Zelandiyä xökümäte räise Jasinda Ardern yanartaw atqannan soñ śunami bärgän utraw-däwlät Tonga belän êlemtägä kerä almawların belderde.
Tın okeanda yaqınça 170 utrawdan toruçı Tonganıñ başqalası Nukualofadan 65 çaqrım yıraqlıqtağı Xunga Tonga – Xunga Xaapay vulkanı kiçä aktiv xälgä kilde. Şunnan soñ śunami kisätüe yasaldı. Ul däwlätneñ barlıq utrawlarına diyärlek bärde.
Ardern äytüençä, alarda Tongada bulğan yaralanu yäisä ülem turında mäğ’lümat yuq. Cirle kesä telefonnarı êşlämi. Ardern Tonga xökümäte räisenä şaltıratıp qarağan, tik êlemtä barıp çıqmağan.
Yaña Zelandiyä saqlanu köçläre häm tışqı êşlär ministrlığı ilgä nilär kiräk buluın häm niçek yärdäm iteläçägen açıqlaw öçen tırışa. Ardern äytüençä, ixtiyac bulsa, xäbärläşüne täêmin itüçe diñgez astı kabelen tözätü öçen bulışaçaqlar. Vulkanik köllär arqasında hawadan yärdäm mömkinlege bulmasa, flot korabların cibärü qarala.
Yaña Zelandiyä Tın okean xalıqları ministrı Aupito Uil’yam Sio da Tonganıñ bik küp töbäge belän êlemtägä kerä almawların citkerde.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar
