Zäytün mayı ülem riskın azayta
Zäytün mayın qullanunıñ al’śgeymer, yöräk awıruları, yaman şeş kebek säbäplär arqasında ülem riskın azaytuı bilgelände
Näticäläre “American College of Cardiology” jurnalında çıqqan tikşerenüdä Amerika Quşma Ştatlarında yäşäwçe 60 meñ 582 xatın-qıznıñ häm 31 meñ 801 irneñ 1990nçı-2018nçe yıllardağı sälamätlek torışları häm diyetaları tikşerelde.
Ber köndä yartı aş qaşığınnan kübräk zäytün mayın qullanuçılarnıñ böten xastalıqlarğa häm yöräk awırularına bäyle ülem risklarınıñ zäytün mayın bötenläy qullanmawçılarğa qarağanda 19%qa tağın da äzräk buluı bilgelände.
Tikşerenü ayıruça ber köndä ber aş qaşığınnan kübräk zäytün mayın qullanunıñ al’śgeymer häm parkinson kebek nevrologik degerativ awırulardan ülem riskın 29%qa, yaman şeştän ülem riskın 17%qa, sulış xastalıqlarınnan ülem riskın isä 18%qa azaytuın kürsätte.
Ber könlek çäy qaşığı zäytün mayın qullanu belän bergä böten säbäplärdän ülem riskın 12%qa kimetüe bilgelängän tikşerenüdä, şul uq waqıtta bu risklarnıñ xayvan mayların qullanuğa qarağanda kimüe, başqa üsemlek mayları qullanılğan çaqta ayırmanıñ bulmawı belderelde.
“USA Today” internet saytına äñgämä birüçe doktor Susanna Larsson al’śgeymer kebek xastalıqlarnı totqarlawçı çaralarnıñ citmäwe häm bolarğa bäyle ülem däräcäseneñ yuğarı buluı isäpkä alınğan çaqta tikşerenü näticäläreneñ möhim buluına basım yasadı.
