Germaniyädä iskergän vakśina qadağannar

Germaniyäneñ Bav’yera töbägendäge Êbesberg rayonı vakśina üzägendä yaqınça 1800 keşegä soñğı qullanu waqıtı uzğan Biontex preparatı qadalğan. Älege üzäkne êşlätüçe Tresek şirkätennän belderülärençä, xata êtiketlarnıñ yalğış yabıştırıluı arqasında kilep çıqqan. Vakśinalarnıñ qullanu waqıtı 2021nçe yılnıñ 31nçe dekabrendä betkän, ä alarnı 4-6 ğıynvar könnärendä qadıylar.

Xatanı ğadäti kontrol’ waqıtında idaräçe şirkät kürep ala häm bu xaqta Êbesberg rayonı xakimiyätenä citkerä.

Vakśinalarnıñ keşelärneñ sälamätlegenä naçar yoğıntı yasayaçağı kötelmi. Alarnı şul uq üzäktä tüläwsez antitänçek testı yasatırğa çaqıralar. Kiräk bulsa, qabat vakśina qadalaçaq.

Şirkätneñ belderüendä äytelgänçä, älege waqıyğa säbäple üzäktä êşläwçe 2 xezmätkärne quğannar.