Qazaqstanda 5135 keşe qulğa alındı

Qazaqstanda sıyıq yağulıq bäyäläre kütärelgännän soñ çıqqan waqıyğalarda 5135 keşe qulğa alındı. Alar arasında başqa il watandaşları da bar.

Qazaqstannıñ êçke êşlär ministrlığınnan yasalğan açıqlawda ildäge operaŝiyalarda qulğa alınuçılar belän bäyle mäğlümat birelde.

Açıqlawdan kürengänçä protestlar waqıtında cämğıyät’ iminlege häm ilneñ konstituŝion tärtiben saqlağanda yaralanğan iminlek köçläre sanı 1300dän arttı.

Açıqlawğa kürä 300 keşe östendä qorallar häm kesä telefonnarı belän ber rättän urlanğan mallar häm aqça belän maşinada yäisä cäyäw ildän kitärgä tırışqanda qulğa alındı.

Açıqlawda tübäñdäge yullar urın ala: “Xäzerge waqıtta terrorçılıqqa qarşı operaŝiya däwam itä. Bügen ilneñ barlıq töbäklärendä wazğıyät’ totrıqlılıqqa qawıştı. Monnan alda qulğa töşerelgän barlıq cirle citäkçelek binaları qotqarıldı.”