AQŞ köymälärenä Urta diñgezdä qalu boyırığı
Amerika Quşma Ştatlarınıñ bertörkem xärbi köymäsenä Ukraina häm Rusiyä arasında artqan kiyerenkelektän soñ Awrupa illäreneñ qurqınıçsızlığın täêmin itü öçen Urta dingezdä qalıp toru boyırığı birelde
“N’yu-York Post” gazetındağı xäbärgä kürä, AQŞ saqlanu ministrı Lloyd Austin “USS Harry Truman” xärbi qorabı häm anı ozatıp baruçı başqa 5 köymägä tön’yaq-könçığış Afrika, Yaqın Könçığış häm Kön’yaq Aziyanı üz êçenä alğan Üzäk komanda mäydanına küçü urınına Awrupa xäräkät mäydanında qaluın boyırdı.
Mäs’älägä qağılışlı belderü yasawçı Saqlanu ministrlığı räsmiläre xärbi köymälärneñ yünäleşeneñ üzgärtelüe qararı belän bäyle bularaq: "Awrupada daimi buluıbız ixtıyacın çağıldıra häm berlektäşlärebezgä kümäk saqlanu burıçıbız mäs’äläsendä ışanıç birü öçen kiräkle”, - dip belderde.
Xärbi köymä törkeme planlaştırılğan daimi urnaşu öçen Amerika Quşma Ştatlarınnan xäräkät itkän 1nçe dekabr’dän birle Urta diñgezdä tora.
Rusiyä İlbaşı Vladimir Putin 23nçe dekabr’dä NATOnıñ könçığışqa taba xäräkät itmäyäçäk digän süzen ütämäwen häm iminlek belän bäyle bularaq üzlärenä "şunda uq" garantiya birüe zarurlığın beldergän, başqala Mäskäwdä oyıştırılğan yıllıq matbuğat oçraşuında Rusiyäneñ Ukrainağa höcüm itü ixtimalın bäyälägän ide.
