Qatardan Ğazzägä tabiğıy gaz qudırılaçaq

Qatar tışqı êşlär ministrlığına bäyle Ğazzäne yañadan tözekländerü komitetınıñ internet säxifäsendä Komitet başlığı Möxämmäd äl-İmadi, Fälästin ênergetika oyışması başlığı Zafir Mulhim häm Ğazzä êlektr stanśiyası wäkile Välid Söläymannıñ kileşü börketmäsenä qul quyuı açıqlandı.

Kileşüneñ Ğazzä êlektr stanśiyasınıñ êşlätelüe öçen kiräkle tabiğıy gaznıñ täêmin itelüe häm bäyäne bilgeläwne üz êçenä aluı citkerelde.

Tabiğıy gaz belän täêmin itüçe şirkättän Ğazzä sızığına salınaçaq ütkärgeçneñ 60 million dollar sarıf iteläçäge äytelgän belderüdä bu çığımnı Ğazzäne yañadan tözekländerü komitetınıñ qaplayaçağı iskärtelep uzıldı.

Kileşü belän Ğazzä êlektr stanśiyasınıñ yağulıq urınına tabiğıy gaz belän êşläyäçäk itep üzgärtelüe planlaştırıla.

İzrail citäkçelege 10nçı mayda Ğazzägä başlatqan höcümnäre arqasında Qatar finanslağan yağulıqnıñ töbäkkä kertelüen tıyğan, 49 könnän soñ 28nçe iyün’dä yağulıq kertelüenä yañadan röxsät birgän ide.

İzrail 2006nçı yıldan birle Ğazzä sızığın ciröstennän, hawadan häm diñgezdän qamalış astında tota.

Ğazzädä ul waqıttan birle ênergiya täêmin itelüdä zur awırlıqlar yäşänä. Töbäk 600 megawatt êlektrğa ixtıyac toya, läkin monıñ barı tik 210 megawattı täêmin itelä alına.

Töbäktä här kön êlektr özelüe 18 belän 20 säğätkä citä.