Londonda Yaña yıl çarası bulmayaçaq

Angliyada artqan Kovid-19 oçraqları arqasında başqala Londondağı Yaña yıl qotlawları ğamäldän çığarıldı.

Teatrlarda da spektakl’lar tuqtatıldı.

London mêrı Sadık Xan açıqlaw yasap, Omikron mutantınıñ cäyelüen äkrenäytü öçen qullarınnan kilgänne baqaruda täwäkkäl buluların belderde.

Trafal'gar mäydanında oyıştırıluı planlanğan Yaña yıl çarasın ğamäldän çığaruların äytkän mêr: “Moña London xalqı söyenmäyäçäk läkin virusnıñ cäyelüen azaytu öçen döres adımnar yasarğa tiyeş bez,” – dide.

Temza yılğasında oyıştırıluçı feyerverk çarası urınına bıyıl berençe tapqır Trafal'gar mäydanında Yaña yıl qotlawı kötelä ide.