Afättä ülüçelär sanı artqan

Amerika Quşma Ştatlarınıñ Kentukki ştatında 10nçı dekabr’ comğa könne barlıqqa kilgӓn öyermӓ afӓtendӓ ülüçelӓr sanı 74kӓ kütӓrelde.

Kentukki gubernatorı Êndi Bişiar ğomere özelüçelӓrdӓn iñ keçkenӓsenӓ 5 ay buluın, iñ olısınıñ 86 yӓşendӓ buluın belderde.

Êzlӓw-qotqaru êşçӓnlekӓre dӓwam itüen ӓytkӓn gubernator 109 keşeneñ haman da tabılmawın assızıqladı.

Töbӓktӓge afӓttӓ 28 meñ öy hӓm êş urınında ut bette, 1000 tirӓse öy cimerelde yӓisӓ zıyan kürde, meñnӓrçӓ keşe öysez qaldı, Mêyfild şӓhӓre cimerelde, başqa şaqtıy şӓhӓr dӓ zur zıyan kürde.

AQŞ ilbaşı Djo Baydennıñ öyermӓ küzӓtelgӓn Kentukki ştatına irtӓgӓ baraçağı açıqlandı.