Migrant lagerında şartlaw

Livannıñ kön’yağındağı Sur şähärendä fälästinlelär toruçı Burc äl-Şimali migrant lagerında bulğan şartlawda ülüçelär häm yaralanuçılar barlığı belderelde.

İlneñ räsmi xäbär agentlığı NNA yazğança, lager’da başta yanğın başlanğan, annarı şartlaw yañğırağan. Yanğınnı grajdanlı saqlanu törkemnäre sünderä. Livan iminlek köçläre waqıyğa urının äyländerep ala häm cirlekkä berkemne dä yaqınlaştırmıy. Ülelär häm yaralılarnıñ sanı äytelmi.

Mäs’älä xaqında fälästinle törkemnärdän yäisä Livan dairälärennän älegä belderü yasalmadı.

BMO mäğ’lümatlarına qarağanda, Livandağı 12 Fälästin migrant lagerınnan berse bulğan Burc äl-Şimalida yaqınça 20 meñ keşe yäşi.