Yapon diñgezendä korab battı

Yapon diñgezendä yök korabı battı. Êkipajdağı 17 keşe qotqarıldı, 1sen êzlilär.

Panama bayraqlı korab Yaponiyä könbatışındağı Şimane töbäge sulıqlarınnan yärdäm sorap signal cibärä. Yaponiyä yar buyı iminlege törkemnäre anı alğannan soñ fregatlar belän hälakät urınına kitä.

Yök korabınıñ Okinosima utrawınnan 380 çaqrım yıraqlıqta batuı açıqlandı. Qotqaruçılar kilgändä êkipajdağı 17 keşe rezin köymädä bula. Yaponiyä yar buyı iminlege saqçıları isä yuğalğan ber keşene êzli.

Batqan korabnıñ Rusiyäneñ Naxodka portınnan Yaponiyäneñ Kinuura portına 8 meñ tonna kümer iltüe belderelde.

Êkipaj tulısınça v’yetnamlılardan tora.