4nçe dekabr'dä Qoyaş totıla
Anı qaydan kürep bulaçaq?
1741001
Bıyılğı berdänber tulısınça Qoyaş totılu küreneşe 4nçe dekabr’dä bulaçaq. NASAdan belderülärençä, şimbä könne küzäteläçäk älege waqıyğanı barı Antarktikada böten tulılığı belän kürergä mömkin.
Qoyaş totılunı qaraw öçen iñ yaxşı urın Ronne boz şel’fı qırıyı – anda ul iñ zur däräcäsenä ireşä.
Qoyaş totılunı öleşçä Avstraliyä, Çili häm Yaña Zelandiyäneñ qayber cirleklärendä kürergä bula.
Kiläse tulısınça Qoyaş totılu küreneşe 2024nçe yılnıñ 8nçe aprelendä kötelä. Ul waqıtta inde älege kük waqıyğasın Kanada, Meksika häm AQŞnıñ qayber regionnarında küzätep bulaçaq.
Süz uñayınnan, bu yöz’yıllıqta Awrupada tulısınça Qoyaş totılu kürenmäyäçäk.
