Bawlar belän bäylängän mumiyä
Peruda ber qaberlektä acäyep mumiyä tabıldı
Peruda arxeologlar qaber êçendä kimendä 800 yıllıq buluı farazlanuçı häm yaxşı saqlanğan mumiyä taptı.
Başqala Limanıñ itägendäge qaber - sawıtlar, keramika, rizıq qaldıqları quyılğan taş cihazlar şikelle äyberlär belän äyländerep alınğan cir astı läxeteneñ êçendä.
Mumiyä qarındağı bäbäy poziśiyäsendä yata häm bawlar belän bäylänğän. Monıñ cirle cenaza ğoref-ğadäte buluı uylanıla.
Arxeolog Piter van Dalen Luna mumiya turında bolay dip söyli: “Bu Yuğarı And töbägendä yäşägän beräwneñ mumiyäse. Miladtan soñ 800 - 1200nçe yıllar arasında kümelüe farazlana. Radiouglerod datalaw bezgä tağın da tögälräk waqıt kürsätäçäk. Bolay qarağanda, Lima tawlarında yäşägän śivilizaśiyä – Çakllığa qarıy”.
Peruda 500 yıl êlek Kön’yaq Amerikanıñ kön’yaq öleşendä xakimlek itkän İnk imperatorlığınnan alda häm soñınnan kilep çıqqan mädäniyätlärneñ meñnärçä arxeologik alanı bar.