Xatın-qızlarğa köç qullanu protest itelde
Argentinada oyıştırılğan çarada meñnärçä keşe qatnaştı
Argentinada meñnärçä keşe 25nçe noyabr’ Xatın-qızlarğa köç qullanu belän köräş könendä çara oyıştırdı.
Başqala Buênos-Ayresta Milli Kongress binası yanında cıyılğan häm kübese xatın-qızlardan torğan meñnärçä keşe May prospektınnan İlbaşı rezidenŝiyase Kasa Rosadağa qadär yörede.
Protestçılar xatın-qızlarnıñ qırıslıq qorbanı buluın ğayepläde häm yuğalğan xatın-qızlarnı tabarğa çaqırdı.
Qayber rizasızlıq belderüçelär “Citär” häm “Berse dä yuğalmayaçaq” dip yazılğan plakatlar kütärde, qayberläre köç qullanuğa duçar qalğan xatın-qızlarğa iğtibanı cälep itü öçen bitlären buyadı.
Protestçılar şulay uq köç qullanuçılarğa qırıs cäza birergä taläp itte häm cinayät’ qorbanı bulğan xatın-qızlar öçen ğadellek urnaştırırğa çaqırdı.
Başqaladan tış Argentinanıñ törle şähärlärendä dä protest çaraları oyıştırıldı.
Bäyläneşle xäbärlär
Franśuz diplomatları persona non-grata itep iğlan itelde
Burkina-Faso 3 franśuz diplomatın persona non-grata itep iğlan itte
