Франция белән очышлар туктатыла / Franśiya belän oçışlar tuqtatıla
Marokko-Franśiya (Франция) oçışları tuqtatıla, Angliya qızıl isemlekne yañarttı
Marokko yaña tör koronavirus (Kovid-19) kizüe säbäbe belän Franśiya belän oçışların yäkşämbe tönennän başlap tuqtatıp toruın belderde.
Ministrlıqlarara koordinaśiya şurasınnan yasalğan belderüdä Marokkonıñ “Kovid-19” kizüenä qarşı ireşkän wazğiyätne saqlap qalu maqsatınnan çığıp “Kovid-19” oçraqları kübäyä başlanğan Franśiya belän oçışlarnı tuqtatıp toru qararına kilüe citkerelde.
Monnan alda yasalğan belderüdä oçışlarnıñ bügennän başlap tuqtatılaçağın iğ’lan itkän Şura Marokko watandaşlarınıñ häm Marokkoda yäşäwçe çit il keşeläreneñ qaytuın ciñeläytü maqsatınnan çığıp bu waqıtnıñ alğa küçerelüe iskärtelep uzıldı.
Angliya isä Kön’yaq Afrikada häm Botsvanada kürengän häm koronavirusnıñ B.1.1.529 dip atalğan yaña variantı arqasında 6 Afrika ilen “Kovid-19” kizüe belän köräş qısalarında tözelgän säyäxät isemlegendä “qızıl öleş”kä kertte.
Bu illär Kön’yaq Afrika, Namibiya, Lesoto, Botsvana, Esvatini häm Zimbabve.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde