İzraildä 5-11 yäş'lek balalarğa vakśina qadıylar
İñ berençelärdän bulıp xökümät räiseneñ ulı koronavirus vakśinası yasattı
1737738
İzraildä 5tän 11 yäş’kä qadärge balalarnı koronavirusqa qarşı vakśinalaştıru başlandı. Bu törkem öçen Biontex-Pfayzer preparatınıñ ğadäti dozasınıñ öçtän bere qullanılaçağı belderelde.
İzrail xökümätennän yasalğan belderügä qarağanda, xökümät räise Naftali Bennett ta 9 yäş’lek iñ keçkenä ulı Davidnı berençe doza vakśina yasatu öçen klinikağa alıp barğan.
Bennett başqa ğailälärne dä balalarına vakśina yasatırğa çaqırdı. Ul preparatnıñ qurqınıçsız buluın häm balalarnı çirdän saqlawın söyläde.