Kovid-19 çikläwlärenä qarşı çığalar

Niderlandta Kovid-19 çikläwlärenä qarşı protest çaraları däwam itä.

Törle törkemnär Amsterdamda oyıştırırğa telägän çara kiçä Rotterdam şähärendä barlıqqa kilgän waqıyğalar arqasında ğamädän çığuğa qaramastan Dam mäydanında meñ keşelek törkem cıyıldı.

“Faşizmğa yuq, “QR-kod diktatorlığına yuq” şiğar’lären äytkän rizasızlıq belderüçelär “Minem tormışım, minem qararım”, “Balalar bezneñ kiläçägebez, sınap qaraw tıçqannarı tügel” dip yazılğan plakatlar kütärde.

Şaqtıy poliŝiya xezmätkäre wazıyfa başqarğan çarada waqıyğa çıqmadı.

Niderland poliŝiyasennän yasalğan yazma açıqlawda Rotterdam şähärendä Kovid-19 çikläwlärenä qarşı çarada protestçılarnıñ feyerverk ırğıtuı häm yanğın çığaruı belderelde.

Waqıyğalarda kim digändä ber poliŝiya maşinasına ut törtelde, qalğan poliŝiya maşinaları da zıyan kürde.

Poliŝiya açqan kisätü utında kim digändä 2 keşe yaralandı, 51 keşe qulğa alındı.

Qulğa alınuçılardan yartısınıñ 18 yäş’tän keçkenä buluı açıqlandı.