Belarus' sıyınuçılarğa yärdäm kürsätte
Qaçaqlar lager’laren buşatıp, Belarus’ xökümäte äzerlägän binağa küçte
Belarus’ – Pol’şa çigendä qaçaqlar lager’laren buşatıp, Belarus’ xökümäte äzerlägän binağa küçte.
Belarus’nıñ Grodno şähärendäge çik buyındaAwrupağa barırğa tırışuçılar urmandağı häm üz mömkinlekläre belän qorğan lager’lardağı äyberlären cıydı.
Ğıyraq, Süriyä, Äfğanstan, İran häm Aziya belän Afrikadan kilüçelär dä aralarında bulğan qaçaqlardan başta balaları bulğannar lager’dan kitte.
Kiçkä taba isä Pol’şa çige yanındağı bötenläy urın buşap qaldı.
Belarus’neñ Däwlät çik buyı komitetı beldergänçä çiktäge lager’da berkem bulmağanı öçen bu urında jurnalistlar êşli almayaçaq, jurnalistlar sıyınuçılar urnaşqan logistik üzäktä êşçänleklären däwam itterä alaçaq.
Belarus’ ilbaşı Aleksandr Lukaşenkonıñ boyırığı belän küptän tügel Bruzgi çik buyı töbägendä logistik üzäktäge binağa urnaştırılğan qaçaqlarğa mediŝina yärdäme kürsätelde, su, cılı aş, gigiyena äyberläre häm mendär, yurğan taratıldı.
Belarus’neñ ilbaşı süzçese Natal’ya Êysmont Belarus’ cirlärendä xäzerge waqıtta 7 meñ tiräse qaçaqnıñ buluın, Belarus’-Pol’şa çigendäge lager’da isä yaqınça 2 meñ keşeneñ kötüen açıqladı.
Süzçe 200-500 tiräse keşeneñ isä Belarus’neñ Awrupağa bulğan qalğan çik buyı urınnarında buluın äytte.